Seba ke sîstemê weşîye ser o stresêk nêvirazê şima eşkenê maskeya xo bivirazê. Xeylêk welatanê Ewropa de şarî dest pê kerd ke maskeya xo bivirazo. Seba parekerdişê tecrubeyan torranê medayaya komelkî de rîpelî ameyî akerdene. Na maske her çiqas sey maskeya tibîye nêra xebitnayene zî goreyê cigêrayîşanê ke ameyî kerdene pêro maskeyî partîkulanê vîralan kêm kenê.

Serwîsê Weşîye yê Federalî yê Belçîka SPF Sante Publique seba pawitişê asta berze tay pêşnîyazî dayî:

-Paçê zaf biqatî paçê qatêkî ra zêdêr pawenê.

-Materyalê sey fîltreyê gezîyan fikrêko baş o.

-Paçê mitbaxî paçanê bipemeyan ra başêr ê, paçanê sentetîkî û birîsiman mexebitnê.

-Maske ganî bi awêka zaf germine bêra şitene.

-Ganî maske gormeyê fekî û çeneyî baş bigêra.

Seba berardişê maskeyan tay pêşnîyazî:

-Verî ke şima destê xo bisawê maske hêverî destê xo bi awe û sabunî bişowê.

-Destê xo medê zereyê maske.

-Kiştanê maske ra bigêrê û wina bidê fekê xo ser.

-Eke hewce estbo maske bixebitnê. Keye de yan zî oda de halê tecrîdî de maske mexebitnê.

-Rojêke de reyêke maske bi awa 90 derece bişowê û pakî bikerê.