Meclîsê 'Wa Munzur Azad Bihêriko' vera projeyê peyzajî yê seba Çimeyanê Munzurî vejîya. Meclîs qezaya Pulurî ya Dêrsimî de ame pêser û tay birî girewtî.

Meclîsî bale ante ser ke Çimeyê Munzurî hem warê SÎTî yê hem zî seba elewîyan cayêko fîraz o. Meclîsî venga pawitoxanê xoza, dezgehanê elewîyan û pêro dêrsimijan da ke seba ke proje bêro batalkerdene têbigêrê, hîsger bibê û wayîrê xoza vejîyê.

Meclîsî kombîyayîşê xo de nê birî girewtî:

-11ê tebaxe de saete 16:00 de seba wayîrvejîyayîşê Munzurî 'Cemê Yewîye' do bêro girewtene.

-Seba ke proje bêro batalkerdene kombîyayîşî do bêrê kerdene û zanayîşî bêrê dayene.

-Her şan saete 20:30 de keye û şûmşînan de tencere û tavayî do bêrê cinitene, çilayî do bêrê tavistene û hewnakerdene.