Vera projeyê talankerdişê Çimeyanê Munzurî yê ke semedê elewîyan bimbarek ê her roje vengê nêrazîbîyayîşan berzêr beno. Pê kampanyaya îmzayan, eşkerayîyan û çalakîyan yeno waştene ke proje ke xoza talan keno û cayanê bimbarekan texrîb keno, bêro vindarnayene.

Merkezê Pêroyî yê Komeleyanê Dekomratîkan ê Elewîyan (DAD) derheqê babete de eşkerayîyêke daye û vat:  Cayê ma yê bimbarekî rantî rê ameyî  akerdene ke tarîx û îtîqatê elewîyan bêro çînkerdene. DADÎ veng da heme elewîyan ke wa desturê naye medê.

Kongreya Ronayîşî ya Dêrsimî zî bi eşkerayîyêke veng da ke wa çew/e vera neye bêveng memano û vat:  ''Nika kombîyayîş, eşkerayî, parekerdişê medyaya sosyale qîm nêkenê. Nê gamê erjîyaye yê la semedê xelisnayîşê mekanê bimbarekî yê Munzur Babayî qîm nêkenê. Ma veng danê heme dêrsimijan, elewîyan, HDP, rêxistinanê sîvîlî yê komelî, hunermendan, rêxitinanê dormeyî, pîran, rayberan, murşîtan ke wa Munzur baba de çalakîya nobete bêro tepiştene. Munzur Baba mekano bimbarek ê elewîyan o û qet çew/e nêeşkenê dest bierzo ci. Ma do destûrê naye medê.''