Projeyê talankerdişî yê vera Çimeyanê Munzurî yo ke bi koordînekerdişê Walîyê Dêrsimî hetê Ajansê Newekerdişî yê Firatî  (FKA) ra ame amadekerdene û hetê Heyetê Herême yê Pawitişê Estbîyayîşanê Kulturî yê Erziromî ra 2019î de ame qebulkerdene, ame destpêkerdene.

Projeyê 800 mîlyonan de yeno plankerdene ke serê Munzurî de pirdî do bêrê viraştene. Projeyo ke bê persayîşê şarê herême, şaredarîyan û rêxitinanê sîvîlî yê komelî ame amadekerdene Çimeyanê Munzûrî de dest pêkerd.

Goreyê plankerdişî di otaparkan ra yewe do cade kişta Çimeyanê Munzurî de ya bînî zî nizdê dewa Çimenyan de do bêro înşakerdene. Reyna nizdê dewe de do cayê birnayîşê qûrbanan stantanê Campîngî, cayê pîknîkan bêrê viraştene.

Yeno vatene ke badê qedîyayîşê projeyê talankerdişî do dewkewtişê Çimeyanê Munzurî bibo bipere.