Şaredarîya Dêrsimî wazena ke dewa Sutluce de wazena 'projeyê madeya eşte' bîyara ca. Roniştoxanê dewanê Tulluk, Verekaj, Axdat, Şegşek, Çinarli û Suvatî û dewekanê înan vera projeyî nêrazîbîyayîşê xo mojna û Platformê Xoza yê Kirmizidagî reyde çalakîyêka rayraşîyayîşî kerde. 

Girse heta verê Şaredarîye şi û venga Şaredar Mehmet Fatîh Maçogluyî da. Girseyî vat: ''Ma nêwazenê şima 55 hezar daranê ma bibirnê, destê xo medê warê ma yê cuye, heywananê ma yê koyîyan qetiil mekerê. Ma nêwazenê dewanê xo ra koç bikerê ke bi seserran o no koçkerdiş ameyo ma sereyî. Eke şima nînan ra yew bikerê ma do heqê xo yê vatiş-selahîyet-qerarî bişuxilnê.''

Çalakîye de dowîzê sey ''Eke vatiş û selahîyet ê şarî yo, şar ho tîya de yo'' ameyî akerdene.

 Dewijan ra Yilmaz Çelîkî îfade kerd ke se ra 65ê Dêrsimî bê dar û çol o û vat: ''Çira nê cayan de nê la waranê daristanan de no proje yeno kerdene?Çira şima raporê ÇEDî pê merdimanê xo kerd amade? Şima çira vera Raporê Pisporan ê Mehkemeya Erzînganî pê zûran îtîraz kerd? Şima çira pê muhendîsanê xo yê hemkaran raporan amade kenê û pê nê raporî rayaumûmîye xapînenê?''

Çelîkî da zanayene ke ê do seba rantî qetî xozaya xo ra fek vera medê û vat: ''Ma do reyna hewteyê verênî yê nîsane de, roja pancşemeyî saete 10.00-11.00 de verê Şaredarîye de bêrê pêser. Ma do her pancşemeyê verênî yê menga newîye de bêrê pêser.''