Paytextê Avusturya Viyana de bi organîzasyonê Federasyonê Elewîyanê Demokratîkan şayîya kultur û ciwanan ameye kerdene.

Xeylêk kesî tewrê şayîye bîyî. Şayîye de Pîr Huseyînî xîtabê girseyî kerd û vat: ''Ez venga ciwanan dana ke wayîrê ziwan, kultur û cewherê xo vejîyê. Bawerî û kulturê xo ra dûrî mekerê, rayîr nêdê polîtîkayanê asîmîlasyonî.''

Temsîlkarê FEDA Atîlla Ş.yî zî waşt ke wa seba azadîya Rayberê Şarê Kurdî Abdullah Ocalanî her kes erkê xo bîyaro ca.

Şayîye de Delîl Xidir, Dîlan Top, Koma Dem û Îlyas vejîyayî sehne ser. Şayîye bi govendan qedîyaye.