Di kurdê koyîjî; Hêvî û Yekta...

Sey Dêrsim û Botanî embaz, şorişgêr, hunermend, merdimî. 27ê Adare Roja Tîyatroyî ya Dinya; rojbîyayîşê Hêvîyî ya û roja ke Yekta leşê xo adirî ver.

Hêvî û Yekta... Di çalakîkerê azadîye, wijdanê komelî, endamê Dibistana Kultur û Hunerîya Ş. Sefkanî, di gerîlayî, di hunermendî, di tenê ke koy de her ca kerd sehne, kay kerd. Êyê ke seba ke akademî û dibistanê kultur û hunerî her cayê Kurdîstanî de vila bibê kewtî rayîr.

Hêvî û Yekta menga adare û tebaxe ya serra 2004î de venga hunermendan da ke xo ver bidê û seba ke komlogerê mîyanneteweyî bin bikewê leşê xo dayî adirî ver. Êyê Mexmûr û Rojawan de waştêne ke bibê rayberê kulturê merdimîye, hunermendê azadî yê şarî bîyî.

Embaz Yekta vano: ''Ma prosesêkê zorî û bihêmpayî de yê. Np prosesêk o ke ganî ma hîna zaf fedekarîye bikerê û bi waştişêkê pîlî wezîfeyanê xo bîyarê ca. Çalakîya min a xovêşnayîşî hem seba ke embazê ma bi hawayêkê cîdîyî nêzdîyê wezîfeyê xo bibê vengdayîş o, hem şarê ma rê efûwaştişê min o hem zî selamkerdişê xoverdayîşê Efrînî, şehîdanê Efrîn û Qamişloyî ya.

Hunermendê rastikênî seba ke bibê wayîrê hîşmendîya rastikêne ganî sey nê embazanê ma bi heskerdişî pabesteyê şarê xo bibê. Ma Hêvî û Yekta ra na raştîye musayî. Sey hunermendanê kurdan bi heskerdişû pabesteyê şarî ma eşkenê bibê embazanê înan. Ma seba naye do bixebitê û hunerê nê şarî goreyê na raştîye bikerê. Ma seba yewîya neteweyîye û yewbîyayeyê Rojhelatê Mîyanênî cuye newe ra û bi hawayêkê azadî do awan bikerê.