Akademîya Muzîkî ya MA Amed de bi armancê perwerdeyê muzîkî yê bi kurdkî ameye ronayene. Akademîye emser serrgêra xo ya 3. do fîraz bikera.

Dima ke Konservatuara Aram Tîgranî hetê qeyûmî ra ame girewtene xebatkaranê ci Akademîya Muzîkî ya MA awan kerde. Nika 700 ra zêdêr wendekarê akademîye estê. Akademîya Muzîkî ya Ma 4ê adare saete  16:00 de bi tewrbîyayîşê Akademîya Dengêbîye cayê xo de serrgêra 3. ya ronayîşê akademîye do fîraz bikera.

Koordînatorê Akademîye Şêrko kanîwarî derheqê xebatanê xo de tay zanayîşî dayî. Kanîwarî da zanayene ke pêro dezgehê kurdan hetê qeyûmî ra ameyî girewtene û polîtîkayê qeyûmî xebatanê kultru û hunerî yê  Amedî ser o tesîrêko xirab kerd. Kanîwar eşkera kerd ke ke ê pêro îmkananê xo reyde xîret kenê ke waştişê xabatanê kultur û hunerî yê kurdan rê bibê cewabêk.  Kanîwarî ard ziwan ke înan 25 deyîranê kirdkî, kurmanckî, sorankî ra kitabêk çap kerd û ê têna seba pîlseran ney seba domanan zî xebatan kenê. Kanîwarî qala kargehanê Akademîya MA  kerde ke înan dewanê Amedî û Mêrdinî de par kargehî ronayî. Kanîwar vat: ''Ma armanc kenê ke muzîkê ma debikewo pêro dewe û taxanê, pêro domanan. Ma wazenê xebata ma biresa pêro şaristananê bînan.''