Alî Haydar Can û Mîkaîl Aslanî ra deyîra newîye: Kemî yo

Alî Haydar Can û Mîkaîl Aslan pîya deyîra Dogan Munzurogluyî ya bi nameyê 'Kemî yo' vate.

Şaîr Dogan Munzurogluyî wextêkî ra nata qezaya Pulurî ya Dêrsimî de cuwîyeno. Şiîra 'Kemî yo' ya Munzurogluyî hetê Alî Haydar Can û Mîkaîl Aslanî ra sey deyîre ameye wendene. Hunermendo dêrsimij Alî Haydar Can zî 10 serran ra nata nêweşîya xo ra semed muzîkî ra dûrî bi.

Deyîre hetê Olcay Bozkurtî ra ameye aranjekerdene. Deyîra ke hetê Mîkaîl Aslan û Alî Haydar Canî ra yena vatene, qala tênatîye kena.

Klîbê deyîre pêro platformanê dîjîtalan de weşanîya.

KEMÎ YO

Mi evlegê herd gureto

Cor de asmeno khal kemî yo

Qonaxê xo sano pê

Dorme de cîran kemî yo

 

Mi dar û ber resnura

Merxe de bilbil kemî yo

Baxçê mi de gul û sosin

Mîyan de zembul kemî yo

 

Mi rîyê xo çarna welatî

Aqil zaf o, fam kemî yo

Sarê dîna hayleme do

Fekê mi de juan kemî yo

 

Muzir vano axir waxt o

Qul zaf o mordem kemî yo

Payîz serd o, usar germ o

Heqî de derman kemî yo