Polîsanê tirkan kuçeyê Îstîklalî yê qezaya Taksîmî yê Îstanbulî de muzîsyenê ke bi kurdkî vatêne asteng kerdî.

Kuçeyê Hunerî yê Amedî de rayberîya Têgêrayîşê Cinîyan ê Azadan, Komeleya Kultur û Hunerî ya Dîcle, Akademîya Ma Musicî, MED-DER, MEBYA-DER de merdiman astengkerdişê polîsan protesto kerd. Çalakîye de deyîrê kurdkî ameyî vatene, govende ameye girewtene û sloganê 'Bêziwan cuye nêbena' ame vatene.

Mêrdîn de verê Medreseyê Zîncîrîye de rayberîya Komeleya Kultur û Hunerî ya Mezopotamya de astengkerdişê polîsan ame protestokerdene. TJA û HDPyî zî paştî daye çalakîye. Çalakîye de de deyîrê kurdkî ameyî vatene, govende ameye girewtene. Şarî eleqeyêko pîl mojna çalakîye.