Aysele Boraka ke bi kurdkî deyîrbazîye kena îfade kerd ke tedaya vera kurdkî dewam kena û vat: ''Verî muzîkê kurdkî nêameyêne hesibnayene, qedexekerdene la nika muzîkê kurdkî vurîyeno îlahîyan.''

Borake derheqê tesîrê sîyasetî yê vera hunerî de vat: ''Temamîya polîtîkayî tesîrê hunerî kenê. Cogarafyaya ma de no zêde yo. Şer esto û ma mîyanê komelê kurdan de yê. Mumkîn nîyo ke ma komelî ra cîya hunerî bikerê.''

Borake derheqê nêzdîbîyayîşê dewlete yê vera muzîkê kurdkî de vat: ''Dewlete vera ê kurdana  ke asîmîlê nêbîyê. Verî şaredarîyanê ma de festîvalî estbî û nê festîvalan de ma û şar resayêne pê. Dezgehanê hunerî yê şaredarîyan de ma xebate kerdêne. Nika dest nîya şaredarîyanê ma ser û dezgehê ma qefilîyayî. Semedo ke muzîkê bi kurdkî kenê xeylêk embazê ma tepişîyayî. Dewlete deyîranê kurdkî asîmîle kena, vurnena tirkî. Deyîrê ma yê tewr namdarî zî kenê îlahî. Verî kerdêne 'turku' nika zî kenê 'îlahî.' ''