Silêmanî sey paytextê roşnvîran ê Başûrê Kurdîstanî yeno zanayene, Kerkûk zî sey paytextê dengbêjîya Başûrê Kurdîstanî yeno naskerdene. 

Dengbêjê namdarî Elî Merdan, Hisên Elî û Salîh Dawde seba dewamkerdişê kulturê dengbêjîye Merkezê Elî Merdanî de seba ciwanan perwerdeyê dengbêjîye danê.

Mamostayê Merkezî Sîrwan Omerî derheqê armancê perwerdeyî de vat: ''Ma wazenê ke kulturê dengbêjîye ganî bimano û ciwanî nê kulturî bimuso.''

Şagirtê bi nameyê Şêrwan Kerkûkîyî vat: ''Kerkûk welatê dengbêjîye yo. Ma sey ciwananê ereban, tirkmenan û kurdan perwerde vînenê, dengbêjîye musenê. Ruhê dengbêjîye Kerkûk de yo.''