Demê muracatê Musabeqaya Huseyîn Çelebîyî ame dergkerdene
Wextê muracatanê seba Musabeqaya Hîkaye û Şîîran a Huseyîn Çelebîyî heta 9ê êlule ame dergkerdene.
Komîteya Amadekarîye ya Musabeqaya Hîkaye û Şîîran a Huseyîn Çelebîyî da zanayene ke înan wextê muracatan heta 9ê êlule derg kerdo.
Beşdarî eşkenê heta 9ê êlula 2023yî CVyê xo reyde berhemanê xo bişawê musabeqa.
Şertê beşdarbîyayîşî wina yê:
-Hîkaye û şîîrî ganî bi kurdkî (sorankî, kurmanckî, kirmanckî), almankî, û tirkî bibê.
-Berhem ganî verî cayêk de nêamebi weşanayene.
-Beşdarî têna tewr zaf pê di şîîran yew hîkaye eşkenê tewrê musabeqa bibê.
Berhemî ganî heta 9ê êlule bierşawîyê nê adresî yan zî nê emaîlî:
Postfach 10 15 32
52015 Aachen
