Semedê Serekwekîlê Meclîsî  û Endamê Heyetê Îmraliyî yê DEM Partî Sirri Sureyya Onderî tezîye ameye ronayene.

Heyeta tezîye de vilik û fottografê Onderî ameyî cakerdene û masayêke ser  defterêkê vîrameyîşî ame ronayene.

Serekê Meclîsî Numan Kurtulmuş, Serekê Pêroyî yê MHPyî Devlet Bahçeli, Serekwekîlê Meclîsî yê CHPyî Murat Emir pîya bi heyetêkî, Serekê Pêroyî yê Partîya Ameyoxî Amhet Davutogulu û Serekê Pêroyî yê Partîya Saadetî Mahmut Arikan û xeylê wekîlan tezîye zîyaret kerd.

Birayê Onderî, Ali Onder, Hemserekê Pêroyî yê DEM Partî Tulaye Hatimogullari û Tuncer Bakirhan û Endama Heyetê Îmraliyî Pervîne Buldan û wekîlanê DEM Partî  kesî ke tewrê tezîye bîyî, verwazî kerdî.

Murat Emirî serweşîye waşte û vat, ''Ma ey ra zaf hes kerd, ma tira zarî bî. Mekanê ci cenet bo.''

Tulaye Hatimogullari spas kerd û vat, ''O têna seedê DEM Partî û parlamentoyî ne, semedê Tirkîya, welatî vînîkerdiş o gird o. O semedê haştîye zaf xebitya. Sey tirkêkî tim paştî dayî şarê kurdî.''

Davutogluyî ke merasîmî de qisey kerd, keyeyê Onderî û DEM Partî rê serweşîye waşte û wina vat: ''Ey semedê welatê xo, şarê xo û Tirkîya çiyo ke raşt dî o kerd. Tirkîya do ey tim sey firgurê ke tim haştîye û wayûbiratîye waştêne bîyaro vîrê xo. Reyna şexsîyetêko muhîm bi ke do tim bi nasnameyê entelektuel, dost, embazî vîrê ma de bimano.''