Ronî Nasir Kayayî kitabê xo yê hîkayeyan 'Seccade' û 'Besna' amade kerdî. Kayayî derheqê kitabê xo yê peyênî Besna de ANFyî rê qisey kerd.

Ronî Nasir Kayayî bale ante têkilîya rojnamegerîye û hîkayenuştoxîye ser û vat: ''Amadekerdişê xebere pê meraq û cigêrayîşî beno. Ê çaxî mi zaf hîkayeyî eşnawitî. Ez dewe de pê goşdarîkerdişê hîkayeyan bîya pîl, tradîsyonê dengêbîye zî mi rê tesîr kerd. Sey kurdêkî mi paştîya xo daye kultur û tarîxê kurdan. Ez xîret kena ke xoza, hîkaye û tarîxê kurdan binusa ke wa her kes nê ziwanî ra fam bikero.''

Kayayî dîyar kerd ke sey camêrdêkî cinîyan ser o nuştiş ey rê zaf zehmet ameyo û vat: ''Besna serebûtêkê raştikênî ser o nusîyaye. Na hîkayeya Nazîme Alira ke dewêka Qelqelî de ameye vêşnayene û qetilkerdene. Mi o çax xebera ney kerdbî û pê çimanê xo tedaya komelî dîye. Mi şiwaneyan ser o, koyan ser o, sînoranê mabênê mabênê kurdan ser o nuşt.''

Kayayî bale ante zor û zehmetîyanê weşanxaneyan ser û vat: ''Meseleyê înan ê ekonomîkî est ê. Tirkîya de çend weşanxaneyê serdestî est ê. Weşanxaneyê qijî zî seba ke îmkanê înan çin ê nêeşkenê xo zaf biresnê wendoxan.''