Komêka hunermendanê şaristanê Silêmanî yê Başûrê Kurdîstanî pê çalakîyêke vera hêrişanê dewleta tirke ya îşxalkere vejîyaye û hêrişî şermezar kerdî. Çalakîye de hunermendan paştdayîşê xo yê seba şarê Şêladizê ard ziwan û keyeyanê şehîdan rê serweşîye waşte.

Nameyê hunermendan ser o Tara Mihemed eşkerayîyê wende û bale ante hêrişanaê dewleta tirke ya îşxalkere ser. Tara îfade kerd ke Tirkîya têna pê rayîrê leşkerî nê pê rayîrê kultur û hunerî zî wazena erdê Başûrî îşxal bikera.

Tara tewirê şarê Şêladizê yê vera îşxalî fîraz kerd û peynî de vat waştişê şarê Şêladizê waştişê înan ê.