Hunermendanê rojawanijan Rojavayî Sîpan Xelat, Nesrîne Botan, Danîş Botan, Sumeyye Serêkaniyê û Ebdûrrahman Ereb Beravîyî derheqê hêrişanê îşxalî û hemkarîya PDKyî de ANFyî rê qisey kerd.

Sîpan Xelat: Ma xoverdayîşê bêhempayî yê vera hêrişanê îşxalî selam kenê. Şar ê ma zî ganî wayîrê nê xoverdayîşî vejîyo. Dewleta tirke wazena pêro nasname, kultur, deskewte û şarê kurdî qir bikera. Hemkarê ci yo sereke zî PDK yo. Ma nê tewirî qebul nêkenê. Ganî şarê ma vera xayînan tewirêkê raştî bigêro.

Nesrîne Botan: Ganî kurdî vera hemkar û hetkaranê tirkan vejîyê. Ewro gerîlayî şerê mendiş û mergî kenê. Ganî kurdî na rewşe hol fam bikerê. Têna partîyê kurdî nê, pêro şarê Kurdîstanî wa bizanê ke serkewtiş do bibo ê kurdan. Peynî de hemkarê dişmenî do şerm bikerê. Ganî kurdî û hunermednî dest bidê destî û hetê gerîlayan de bibê. Pîya ma do ser bikewê.

Daniş Botan: Ewro eke ma azad ê no xêrê gerîlayan ra yo. Gerîlayî sebebê ma yê estbîyayîşî yê. Êyê ke hemkarîya hêrişanê dewleta tirke kenê, hê peynîya xo anê. Ganî komelê ma erkê xo bîyaro ca. Ganî hunermendî berhemanê xı pêşkêşê xoverdayîş û komelî bikerê. Ma do bi berhemanê xo hetê gerîlayan de bibê. Eke hewce bibo ma çekî bigêrê xo destî zî. Çew nêeşkeno îradeyê gerîla û şarî bişikno.

Sumeyye Serêkaniyê: Hêrişê dewleta tirke û cerganê ci têna vera kurdan nê, vera pêro şaran o. Eke gerîlayî bêbîyayêne ma zî nêbîyayêne. Gerîlayî pêro merdiman pawenê. Ma hêrişê PDK û keyeyê Barzanîyan şermezar kenê. Hunermendê Kurdîstanî ganî bi huner û xebatanê xo ney bimojnê. Eke ma ney bikerê Erdogan û Barzanî nêeşkenê verê ma bigêrê. Ma do heta peyên hetê gerîlayan de bibê.

Ebdurrahman Ereb Beravî: Dewleta tirke ewro hêrişê Şingal û Herêmanê Pawitişî yê Medya kena. Ez venga pêro hunermendanê Kurdîstanî dana ke vera hêrişanê dewleta tirke tewirê xo bimojnê. Sey hunermendan ma hêrişan qebul nêkenê. Hunermendê Kurdîstanî ganî bi kar û hunerê xo bimojnê ke ê nê şerî qebul nêkenê.