(Semedê Azadîye)  yo ke qala Xoverdayîşo Tarîxî yê Sûrî keno paytextê Almanya  Berlin de ame ramotene.

Hunemendê sînema yê kurdan, roşnvîrî û sîyasetmadarî zî de xeylêk kesan bi elaqadarîya girde film temaşe kerd. Verê ramotişê fîlmî sere de semedê qehramananê Xoverdayîşê Sûrî ra Fermandar Çîyagerî semedê heme şehîdan rêz ame girewtene. Badê pêramotişî rejîsorê fîlmî Ersîn Çelîkî persê temaşekerdoxan cewab kerdî.

Çelîkî bi nameyê Komunê Fîlman ê Rojawanî û heme kesê ke keda ci fîlmî de esta temaşekerdoxî selam kerdî û vat:  ''Ewro  çar leteyanê Kurdîstanî de îşxal û qirkerdiş esto. No qirkerdiş têna fizîkî nê kultur ra heta cografya, kerrayan ra heta daran zaf bihet yeno kerdene. Ewro Heskîf binê awe de yeno verdayene. Çend mengî verê cu bajaro tarîxî yê Kurdan Serekanîyê ame îşxalkerdene. Seba ke raştîya Kurdîstanî wina ya ganî hunermend û roşnvîrî ma zî hendê nê şerwanan cesur bê. Ma zî demo ke şerê Efrîn û Reqa dewam kerdêne Xoverdayîşê Sûrî ant. No welat bi şer, îşxal û xoverdayîşî ê  ma yo û  huner zî ganî rixmê her çîyî dewam bikero.''