Hunermendê kurdî Dilovanî ard ziwan ke TRT Kurdî bê destûrê înan derheqê babîyê ci dengbêj Reşîdê Basoyî de bernameyêk viraşto û tede tarîxê şarê kurdî-êzidîyan rê heqaret kerdo.

Keyeyê Reşîdî yo ke Agirî de mendêne 1914 de qirkerdişê dewleta tirke ra rema û Armenîstan de cabi. Reşîdê Baso 1927 de dewa Keleşbegî ya bajarekê Talînî ya Armenîstanî de dadîya xo ra bi. Sey Peyayo, Mêvan, Qurban, Felekê 40 kilamê ci Radyoyê Erîvanî de ameyî qeydkerdene. Reşîdê Basoyî mabênê serranê 1964 û 1966î de Radyoyê Erîvanî de kilamî vatî, 2006 de zî dinyaya xo bedilnaye.

Lajê dengbêj Reşîdê Basoyî hunermend Dilovamî vera TRT Kurdî nêrazîbîyayîşê xo mojna ke derheqê babîyê ci de bernameyêk viraşto. 

Hunermend Dilovanî ANFyî rê qisey kerd û vat: ''Şarê Kurdîstanî yo rûmetên! Seke zanîyeno keyeyê ma tarîxê xo de tim xizmetê kultur û hunerê kurdkî kerdo û do bikero. Ma seba dewaya şarê kurdî têkoşîn kerd û do bikerê. Çend rojî verî kanala televîzyonî ya dewleta tirke TRT Kurdî babîyê mi ser o bernameyêk viraşt. Sey lajê Reşîdê Basoyî ez TRT Kurdî şermezar kena. Ma qebul nêkenê ke TRT Kurdkî bê destûrê ma babîyê ma ser o bernameyêk viraşto.''