Rûkene Bîngol (Sevcane Algunerhan) 17 serrî sey gerîla û fermandara gerîlayan koyanê Kurdîstanî de têkoşîn kerdbî û teşrîna verêne ya 2011î de Gelîya Tiyarî de şehîd bibî.

Rojnuşteyê Fermandare Rûkene Bîngol şehîd bibî pê paştdayîşê Newaya Jin hetê Kitabxaneyê Meymanî ra sey kitabê bi nameyê 'Yuregimin Guncesi' (Rojnuşteyê zerrîya mi) ame çapekerdene. Kitab 176 kitaban û 15 şîîran ra yeno meydan.

Rûkene Bîngol 1994-98î de xebatanê ciwanan de ca girewtbî û 1998 de tewra gerîlayan bîye. Keyeyî ci pê govenda a oxir kerdbî. Babîyê ci Yusuf wina vatbi: ''Ez kêfweş bîya. Keda mi pûç nêbîye. Seba têkoşîn û Kurdîstanî ewro wijdanê mi rehet o.''

Rojnuşteyê Rûkene de qala şeranê pîlan, dejê embazan, zewqê serkewtişan, hesret, cîyabîyayîş û zehmetîyan yena kerdene. Aye tewr zaf zî qala şehîdan kerde. Şehîde Rûkene tewr zaf Zagrosan ra şîye. Aye pêrodayîşê tewr pîlî Zagrosan de kerdî, aramîya tewr xorine Zagrosan de dîye.

A embazanê xo reyde Gelîya Tiyarî ya Zagrosan de zaf huyaye, zaf govende girewte. Goreyê tay rîwayetan nameyê na govende 'Govenda Bêpeynîye' bi...