Şayîya Kulturê Kurdan a Mîyanneteweyîye emser bajarê Landgraafî yê Hollanda de yena  kerdene. Şayîya ke par rîyê janê Korona ra nameye kerdene emser xeylêk kesî tewrê ci biyî.

Tewrbîyayoxî pê kartê derzîna vera janî û testan tewrê şayîye bîyî.  Şayîye de xeylêk standê werdî û dezgehanê ke falîyetê kulturî rayra benê,  ameyî akerdene. Warê şayîye bi beyraqanê Rayberê Şarê Kurdî Abdullah Ocalan, PKK, YPG û YPJyî xemilîya û pankertê ke sero nuşteyê seba azadîya Abdullah Ocalanî nuşteyî ameyî akerdene.

Qiseykerdişê akerdişî hetê Hemserekê KCDK-E Yuksel Koçî ra ame kerdene. Koçî vera hêrişê îşxalê dewleta tirke û êyê ke paştî danê dewleta tirke hersê xo ard ziwan û xoverdayîşê Îmraliyî û zîndananê bînan selam kerd. Koçî veng da şarê kurdî û dostanê ke Ewropa de yê ke wa çarçewa ''Dem Demê Azadîye yo'' de berpirsîyarîya xo bîyarî ca.''

Hemsereka KCDK-E Fatoşe Goksungur zî  vat: '' Konseptê îşxal û îmhayî yê dewleta tirke do pê xoverdayîşî pûç bêro vetene.'' Goksugure veng da NATO, Amerîka û welatanê Ewropa ê ke leteyêkê konseptê îmhayî yê û vat: ''Kurdan, Kurdîstan û dostanê înan ra metersê. Şima têna DAÎŞî ra bitersê ke kurdan o ser bin kerd.''

Şayîye pê progaramê xo yê zengînî yê kultur û hunerî dewam kena.