Mîkaîl Aslanî deyîra Zerence Wanena ya  Ozan Velî  (Resul Sarigul) yo ke cezaya ci ya muebetî esta û 16 serrî yo  zîndan de yeno tepiştene vate. Deyîra ke hetê Mîkaîl Aslan û Erdem Pancarciyî ra yena wendene klîbê ci ame weşanayene.

Ozan Welîyo ke bi serran o zîndan de yo hem resîm keno hem zî şîîre nuseno. Tirkîya deyîra Zerence Wanena zî hetê nuştox û akedemîsyen Selîm Temo ra ame kerdene.
 

Zerence Wanena
Juyê nawa ama mi sero vineta
Jê tîjî germina mi rê minnet a
Yare şuare vana zerrê mi vêsnena
Vengê xo kî wes o nuxda mi birîna

Zerence wanena, welat têy berbeno
Nawo usar amo yare cenu sonu
Verasano serd o to rê asme cenu
Naca ra ke şîyo yare têy bonu

Zerence wanena, Dêsim têy berbeno
Nawo usar amo yare cenu sonu
Kes naye va ma rê tomete mekero
Derdê Dêsim ma rê yare meras verdo