Hunermenda kurde Beyan Behramî salona Tîyatroyê Şaristanî ya Amedî de bi nameyê ''Maskeya ke Qisey Kena'' pêramotişêk akerd. Pêramotiş de 13 maskeyî yenê mojnayene. Pêramotiş heta 24ê adare akerde yo.

Hunermende Neyan Behramî (41) her maske de hîkayeyêko cîya mojna ra û maske de mayêka haştîye ge zîndanî ge hasmênî ge ge zî qetilkerdişê xozayî temsîl kena. Behramî Newroze, cinîyêka têkoşere bi maskeyan mojnena komelî. 

Behramî Zanîngehê Tahranî de beşê viraştiş û deştişê kincan de wend û dima kincê tîyatroyî û sehneyî viraştî ke pê nê kincan tewra festîvalan zî bîye. Behramî hêrişanê DAÎŞî ra dima 2 domanan û mêrdeyê xo reyde koçê Îstanbulî kerd. Behramî wextêkê kilmî ra dima zî koçê Amedî kerd.

Behramî eşkera kerd ke aye pê viraştişê maskeyan hîna zêdêr nêzdîyê meseleyanê cinîyan bîye. Behramî vat: ''Hunerê mi de her reng hîsêkê cinîyan temsîl kena. Mîsal maskeya kewe hîsê aîdîyetê dadîyan temsîl kena. Rengê morî  ruhê têkoşerî yê cinîyan temsîl keno. Cinîyî dinya de zî haştîye temsîl kenê.''

 Berhamî vat: ''Peyê her maske de hîkayeyê cinîyêke esto'' û wina dewam kerd: ''Manayêka têkoşînê zîndanan destvistişê azadîye ya. Coka mi xebatanê xo tewr zaf ca da têkoşînê mayanê laçîksipîyan û cinîyan.''