Komîteya Kultur û Hunerî ya PKKyî eşkerayîyêke weşanaye û Hozane Mizgîne yad kerde.

Eşkerayîya Komîteya Kultur û Hunerî ya PKKyî wina ya: ''Hozane Mizgîne pê hîs û ruhê xo yê xoverdayoxî bîye notaya heştîne ya muzîkê kurdî. Serrgêra şehadetê ci yê 28. de bi rêzdarî yad kenê. Ma şexsê Hozane Mizgîne de ke 11ê gulane de şehîd bîya pêro şehîdanê kultur û hunerî yê Kurdîstanî yad kenê û perwerîya xo dibare kenê.

Embaze Mizgîne huner pê raştîye, şerê xo zî pê hunerê xo manadar kerd. Şehîde Mizgîne kesayetêka partîye ya kamile bîye. Muzîkê aye muzîkê şorişî bi. Embaze Mizgîne têna hunermend nê, şerwanî ra heta sîyasetî, xebatanê azadîya cinîyan ra heta fermandarîye her wezîfeyê xo ard ca û her warê têkoşînî de ca girewt. Hevale Mizgîne vatîşê 'Hunermendê şarî şerwanê şarî yê, şerwanê şarî hunermendê şarî yê' yê Rayber Apoyî pêro cuya xo de kerdbi felsefeya bingeyî ya cuye û têkoşînê xo. Destpêkê têkoşînê ma ra heta ewro zî bîye raybera têgêrayîşê ma ya kultur û hunerî. 

Embaze Mizgîne têna çêra Kurdîstanî nê, çêra vengê pêro cinîyan bîye. A çêra hunerî û şorişêkê kulturî ya. Ma şexsê Şehîde Hozan Mizgîne de pêro şehîdanê şorişî yad kenê û ma soz danê ke ma do vîrameyîşê înan ê Kurdîstanê azadî bidê ciwîyayeyene.

Seba caardişê yewîya neteweyîye de ganî hunermendê ma bi hawayêkê aktîfî têbigêrê. Coka ma venga hunermendan, roşnvîran û şarê kurdî danê ka vera faşîzmê AKPyî pê hîşmendîya azadî ya Rayber Apoyî û azadîya Kurdîstanî vengê xo berz bikerê.''