Merkezê Îrtîbatî û Çapemenîye yê HPGyî nasnameyê panc şehîdan eşkera kerdî. Eşkerayîye wina ya:

''21ê teşrîna verêne ya 2017î de Zap de hêrişanê dişmenî de embazê ma Canşêr, Med, Reşîd, Serhed û Dijwar şehîd bîyî. Ma nînan serrgêra şehadetê nînan de bi rêz, hesret û mimnetî yad kenê. Nê embazanê ma yê ke bi layîqê destanan xo ver dayo, ma do xeyalê înan ê Rayberîya Azade û Kurdîstanê Azadî qetî bîyarê ca.

Ma sere de keyeyanê embazanê xo yê şehîdan rê pêro şarê Kurdîstanî yê welatperwerî rê serweşîye wazenê. Ma soz danê ke heta ke xeyalê Kurdîstanê azadî û hesreta cuya azade yê embazanê ma bîyarê ca do têkoşîn bikerê.

Nasnameyê embazanê ma yê şehîdan wina yê:

Nameyê Qodî: Canşêr Qoser Name û Peyname: Vedat Oguz Cayê Bîyayîşî: Mêrdîn Maye-Pî: Tenzile – Şukru Tarîx û Cayê Şehadetî: 21ê Teşrîna Verêne ya 2017î / Zap

Nameyê Qodî: Med Dalaho Name û Peyname: Nîmet Akdemîr Cayê Bîyayîşî: Amed Maye-Pî: Asiye – Resul Tarîx û Cayê Şehadetî: 21ê Teşrîna Verêne ya 2017î / Zap

Nameyê Qodî: Reşîd Wan Name û Peyname: Kenan Kalabalık Cayê Bîyayîşî: Wan Maye-Pî: Sultane– Kemalettîn Tarîx û Cayê Şehadetî: 21ê Teşrîna Verêne ya 2017î / Zap

Nameyê Qodî: Serhat Tekman Name û Peyname: Îsa Dogan Cayê Bîyayîşî: Erzirom Maye-Pî: Aynure – Zumrut Tarîx û Cayê Şehadetî: 21ê Teşrîna Verêne ya 2017î / Zap

Nameyê Qodî: Dijwar Jêhat Name û Peyname: Ferhat Erkul Cayê Bîyayîşî: Şirnex Maye-Pî: Cemile – Kasim Tarîx û Cayê Şehadetî: 21ê Teşrîna Verêne ya 2017î / Zap

 

Embazê ma Canşêr qezaya Qoserî ya Mêrdînî de dadîya xo ra beno. O 2014 de tewrê gerîlayan beno, Zap de pratîk keno. O çalakîyanê Xeregolî de performansêkê xurtî mojneno ra. O qetî rayîr nêdano îşxalkeran, tim bi fedayîtî şer keno û şehîd beno.

Embazê ma Med qezaya Licê ya Amedî de dadîya xo ra beno. O 2014 de  verê xo dano koyan û beno gerîla. Embazê ma Med Zap de têkoşînî pratîze keno û tîya de serkêşîya xeylêk çalakîyanê serkewteyan keno. O peyê xo de rêçanê xurtan verdeno.

Embazê ma Reşîd Wan de dadîya xo ra beno. O vera hêrişanê îşxal û qirkerdişî 2014 de verê xo dano koyan beno gerîla. Embaz Reşîd tim xo aver beno, keno ke verê hêrişanê dişmenî de bibo wayîrê cewabî. O tim beno layîqê xeta şehîdan.

 

Embazê ma Serhed Erzirom de dadîya xo ra beno. O cigêrayîşanê xo ra pey 2014 de tewrê gerîlayan beno. O wextêk Çewlîg de gerîlatîye keno û dima verê xo dano Zap. Embazê ma Serhed heta peynî derbanê giranan dano dişmenî ro.

Embazê ma Dijwar qezaya Cizîre ya Botanî de dadîya xo ra beno. O seba ke dişmenî ra qesasê şarê ma bigêro 2015 de tewrê gerîlayan beno. Embazê ma Dijwar tim raştîya xoverdayîşî teqîb keno û pêro erk û mesuldarîyanê xo bêkêmasî ano ca.''