Lozan de Roşanê Kurdkî ame pîrozkerdene
Bi wesîleya 15’ê Gulane Roşanê Ziwanê Kurdkî bajarê Lozanî yê Swîsre de çalakîye ameye viraştene.
Merkezê Cimatî yê Kurdan ê Demokratîkî yê Lozanî de panelêk ame viraştene. Dimayê panelî Roşanê Ziwanê Kurdkî ame pîrozkerdene.
Dimayê seba rêzgirewtişê şehîdanê Têkoşînê Azadîye yê Kurdan, bi tewrbîyayîşê nuştox Yaqob Tilermenî û nuştox Serhat Hemdem panelêk ame viraştene.
Panel de ame vatene ke, “Polîtîkayê asîmîlasyonî yê vera Kurdan hîna dewam kenê. Seba naye zî bi Kurdkî qiseykerdiş tewirêko polîtîk o.”
Dimayê panelî sertîfîkayê 10 wendekaran ameyî dayene ke tewrê kursê Kurdkî yê 5 mengan bîbî.
