Rojnamegere Dogane namzeda xeleta Azadîya Îfadeyî ya

Rojnamegere û resame Zehra Dogana ke 2’ê Hazîrane ya 2017‘î ra nata zîndane de yena tepiştene, xelata Azadîya Îfadeyî rê sey namzede ameye ramojnayene.

Seba xeletanê Azadîya Îfadeyî yê ke her serre hetê dezgehê Index on Censorshipî ra yenê dayene, namzedê  emserî (2019 Freedom of Expression Awards) ameyî eşkerakerdene.

Mîyanê namzedan de rojnamegere û resame Zehra Dogana ke 2’ê Hazîrane ya 2017‘ ra  nata zîndane de yena tepiştene, a zî ca gêna. Dogane kategorîya hunerî de sey namzede ameye ramojnayene.