Rayberê Şarê Kurdî Abdullah Ocalanî ser o tecrîdo girankerde dewam keno.Operesayonê qirkerdişê sîyasî ke 9ê Teşrîna verêne de  vera rojnamegeran û endamanê HDP, DBP, KCD, TJA û DÎKî ameyî viraştene, ê ke ameyî tepiştene  pêroyinî ra derheqê tecrîdî de persî ameyî persayene.

Parlamentera HDPyî ya Amedî Salîha Aydenîze poltîkaya tecrîdî û hêrişkerdişê şarî ya dewleta tirkî ser ANF rê qisey kerd. Aydenîze nê vatî: ‘‘Embazê ma ke girewtî binçim ci ra tecrîd persayî. No zî ramojneno ke ê wazenê ke faşîzm û dîktatorîya xo mende bikerî. Coka şîdet, zext û zilmê xo zêdnenî. Ê zî hol zanê ke felsefeya Birêz Ocalanî ke Rojhelato Mîyanên de vila bîyo,  ûmidê şaranî yê dinya ya. Eke bi ey dîyayîş virazîyo na raştî hêna vejîyena orte. No semed ra bi persanê tecrîdî wazenê ke zext bikerî û şar bitersnî . Ê zî zanê ke tecrîdo ke   Birêz Ocalanî ser o yeno domnayene, yeno mehneyê  tecrîdkerdişê pêroyê Rojhelatê Mîyanênî û xorîkerdişê şerrî.‘‘

NÊWAZENÊ KE TECRÎD BÊRO ROJDEMKERDENE

Aydenîze dîyar kerd ke heta Ocalanî ser o tecrîd bêro domnayene atmosferê Rohjheletê Mîyanênî nêbdedilyeno  û hol nêbeno û wina domna: ‘‘Dîktatorîye bi dewamkerdişê tecrîdî wazena ke payra bimano. Rîyê naye ra nêwazanê tecrîd bêro rojdemkerdene û vera ci çalakîye bêrî viraştene. Dewlete goreyê xo qeraranê sîyasî gena û seba caardişê nînan ganî lingê komelkî û sîyasî bêrî şiktene. Nê lingî zî partîyê sîyasî, dezgehê sivîl, cinî û gencê ma yê. Operasyonê qirkerdişê sîyasî no semed ra benî.‘‘