Dêrsim de bi sebebê organîzekerdişê aktîvîteya vîrardişî 16 wendakerê Unîversîteya Munzurî ameyîbî destbendkerdene û înan ra 3 tenî ameyîbî tewqîfkerdene. Derheqê nê wendekaran de na rey zî tehqîqatê disîplînî ame destpêkerdene.
Unîversîteya Munzurî derheqê 16 wendakerê ke 18ê Kanûne de ameyîbî destbendkerdene û 3ê înan tewqîfkerdeye tehqîqatê disîplînî da destpêkerdene.
Wendekaran 12ê Kanûne ya 2018î de seba vîrardişê wendekar Şerdil Cengîzî yo ke 14ê Kanûne ya 2015 de çalakîya protestokerdişî ya qedexeyê Sûrî de hetê polîsan ra amebi qetilkerdene, aktîvîteyêk viraştebî û 18ê Kanûne de bi operasyonêk 16 wendakarî ameyîbî destbendkerdene û înan ra 3 tenî ameyîbî tewqîfkerdene.
