Erdlerzê Kirmaşanî de 2 kesî merdî, bi seyan kesî zî birîndar bîyî.

Vizêr herêma sînorî ya qezaya Serpolê Zahapî ya Kirmaşanî de şîdetê 6.4 de erdlerz virazîya. Erdlerzo ke Başûrê Kurdîstanî de zî ame hîskerdene de qezaya Kelarî ya Silêmanîye de 2 kesan cuya xo vîndî kerde.

Polîsanê Germîyanî da zanayene ke nê her di kesan zî erdlerzî ra dima netîceyê krîzê qelbî de cuya xo vîndî kerde û 52 kesî zî birîndar î.

Goreyê selahîyetdaranê herême erdlerzo ke merkezê ci qezaya Serpolê Zahapî ya Kirmanşanî yo de 700 ra zafêr kesî birîndar bîyî la kesêk nêmerdo.