Merkezê Îrtîbat û Çapemenîya Hêzê Pawitişê Şarî (HPG) îzehetêk da û da zanayene ke gerîla Rubar Amed Başûrê Kurdîstanî de krîzê qelbî derbaz kerdo û netîceyê krîzî de wefat kerdo.

Îzehetê HPGyî de ca dîyayo melumatê nasnameyî û cuya têkoşînî yê Rubar Amedî. Goreyê îzehetî melumatê nasnameyî wina yo:

Nameyê Qodî: Rubar Amed Name Peyname: Gurgîn Mazak Cayê Bîyayîşî: Amed Nameyê Dadî - Babî: Şerîfe - Huseyîn Tarîx û Cayê Şehadetî: 16ê êlula 2018î / Başûrê Kurdîstanî

HPGyî îzehetê xo de vato ‘embazê ma Rubar Amed serra 1970î de Amed de ameyo dinya’ û wina dewam kerdo: “Rubar emrê xo yo şenik de şîyo Ewropa û serra 1992î de reyna agêrayo welat û vera xo dayo koyan. Embazê ma demêko derg koyanê Botan, Behdînan, Serhed û Warê Pawitişê Medya de têkoşîn dayo. Serra 1999î de pêrodayîşêk de bi hawayo giran birîndar bîyo û lingêke xo vînî kerdo. Embazê ma qet moralê xo vînî nêkerdo û beşdarê xebatan bîyo.”

HPGyî dewamê îzehetê xo de wina vato: “Embazê ma Rubar Amed 26 serrî mîyanê têkoşînî de bêmabên kede dayo û bi hawayo fedakarî beşdarê xebatan bîyo. Rubar Amedî heme xebatan sey wezîfeyê xo dîyo û binê her karî ra bi hawayo serkewte vejîyayo. Gerîlatî, şervanî û girêdayîya Rubar Amedî ya Rayber Apoyî do hertim ma rê nimune bibî û ma do ey bîyarî vîrê xo. Ma sere de keyeyê Mazakî rê û heme şarê xo yê welatperwerî rê serweşî wazenî. Heta ke xeyalê şehîdanê ma pê bêrî, ma do têkoşîn bidî. Ma sozê xo yê domnayîşê xeyalanê înan dibare kenî.”