Hêrişê dewleta Tirkî yê Zapî de gêrîlayêk şehîd bi
Teyareyanê şerî yê dewleta Tirkî 19-20’ê Sibate de herêma Wareyê Pawitişî yê Medya ra Zapî bombardûman kerd. Netîceyê hêrişî de gêrîlayêk şehîd bi.
Merkezê Îrtîbatî û Çapemenî yê HPG’yî bi eşkerayîyêk da zanayene ke hêrişê artêşa Tirkî yê vera Wareyê Pawitişî yê Medya de gêrîlayêk şehîd bîyo.
Hîrayîya eşkerayî de ca dîya nînan:‘‘Saetanê nîmrojî yê 20’ê Sibate de teyareyanê şerî yê dewleta Tirkî herêma Gundê Fîlleha ya pabesteya Zapî û dormeyê dewa Mislokê ya pabesteya Sîdekanî yê Başûrê Kurdistanî bombardûman kerdî. Bombardûmanan de vîndîbîyayeyê ma çîn ê.
Saetanê veraşanî yê 19’ê Sibate teyareyanê şerî herêmanê Karker û Ciloyo Qij yê pabesteyê Zapî bombardûman kerdî. Bombardûman de embazê ma Alî Hewlerî ( Îbarahîm Elçî) tewrê kerwena şehîdan bîyo.
Nasnameyê embazê ma yo ke şehîd bîyo wina yo:
|
|
Nameyê Qodî: Alî Hewlerî Name Peyname: Îbrahîm Elçî Cayê Biyayîşî: Şirnex Maye-Pî: Şîrîne - Nûrettîn Tarîx û Cayê Şehadetî: 19’ê Sibata 2019’î / Zap
|
HPG’yî merdimanê Elçî û şarê welatperî yê Kurdistanî rê serweşîye waşte û vat ke: ‘‘Hemra Alî roja tewrbîyayîşî ra heta şehadetê xo xeta Rayber Apo de şehîdan de emego gird da. Bi cesaret, fedakarîye û emegê xo zereyê embazanê xo de ca girewt. Hemra Alî xeta Zap û Zagros de gerîlatîye kerd û heme wezîfeyê xo bi heman heyecan û zanayîşî ardê ca. Beyreqa azadîye ya ke hemra Alîyî ma rê dewr kerda resnayîşê serkewtişî wezfeyê ma yo bingeyên o. Ma do waştişê şehîdanê xo bica biyarê‘‘
