Merkezê Îrtîbat û Çapemenîya Hêzê Pawitişê Şarî (HPG-BÎM) îzehetêko nuştekî da û derheqê çalakîyê ke ameyî viraştene de melumatî dayî. Goreyê îzehetê HPGyî warê Lêlikanî yê Başûrê Kurdîstanî de 2 leşkerî ameyî kiştene, Çelê de newalêk de 4 leşkerî ameyî kiştene, 7 leşkerî zî birîndar bîyî. Qezaya Qilebanî ya Şirnexî de zî 2 kesî seba ke ajanîya MÎTî kerdênê, ameyî ceza kerdene.

Îzehetê HPGyî wina yo:

LÊLIKAN DE 2 LEŞKERÎ KIŞÎYAYÎ

“Hêzanê ma çarçewaya Hemleya Şorişgêrî ya Şehîd Pîroze û Şehîd Agirî de 19ê êlule saete 10.30 de vera leşkeranê tirkî ke girê Lêlikanî de ca bîbî de 2 baskan ra çalakîyêk viraşta. Netîceyê çalakîye de 2 leşkerî kişîyayî.

18ê êlule saete 9.30 de hêzanê ma vera qereqolê Şêxa ke qezaya Çelê ya Colemêrgî ra girêdaye yo de çalakîyêk viraşta. Labelê hûmara merde û birîndaran nêameya zelal kerdene. Çalakîye ra dima artêşa tirkî bi obus û hewanan dormeyî bombe kerdo.

METERÎSAN DE 4 LEŞKERÎ MERDÎ, 7 LEŞKERÎ BIRÎNDAR BÎYÎ

Hêzanê ma 19ê êlule saete 9.40 de vera leşkerê ke newala Deştanê de ca bîyî de çalakîyêk viraşta. Netîceyê çalakîye de 4 leşkerî merdî, 7 leşkerî zî birîndar bîyî. Çalakîye ra dima leşkeran girê Stuna û dewa Bêdehê bombe kerdî. Bombarduman ra dima şewato ke erazî de vejîyayo hîn dewam keno.

Hêzanê ma çarçewaya Hemleya Serkewtişê Şorişgêrî ke eyaletê Serhedî de dîyayo dest pêkerdene de Îdir de wesayîtêko zirxin hedef girewto. Wesayît bi temamî ameyo îmha kerdene, labelê hûmara merde û birîndaran nêameya zelal kerdene.

2 AJANÎ AMEYÎ CEZA KERDENE

Hêzanê ma verê cû tespît kerdbi ke 2 kesê bi nameyê Ubeyîd Adiyaman û Selman Adiyaman hemkarîya MÎTî kenî û çend reyî înan hişyar kerdbî. Labelê nê kesî fek ajanîye ra veranêdayî û rolê înan şehadetê embazan de estbi. Nê 2 kesan 11ê temmuza 2018î de yewîyêka gerîlayanê ma îxbar kerdo û netîceyê îxbarî de embazê ma Argeş Tendurek (Soner Bozdag) û Sîmko Eylo (Îhsan Çalişkan) şehîd bîbî, gerîlayê bi nameyê Mehmet Goyî (Kadrî Bayram) zî bi hawayo birîndar kewto destê dişmenî. Sucê ke vera şar û gerîlayanê ma de benî, do bêceza nêmanî.”