Merkezê Çapemenî û Îrtîbatî yê HPGyî  derheqê Musa Çetîner ( Çetîn Serhat) yo ke menga Temmuze de Dêrsim de şehîd kewt, eşkerayîyek daye.

HPGyî da zanayene ke Çetîn Serhat qezaya Pilemûrîye ya Dêrisîm de pêkewtiş û hêrişanê hewayîyan de şehîd kewt û sere de merdimanê ey heme şarê welatperwerî yê Kurdistanî rê serweşîye waşte.

Eşkerayîye de ca dîya nînan:

‘‘Hemra Çetîn dimayê tewrbîyayîşê safanê mucadeleyê azadîye  wexto derg  xeylî cayanê Kurdistanî de bi fedakarîya pîle xebitya. Zagrosan ra heta Serhat û ûca ra heta Dêrsimî xeylî herêmanê şerî de bi heme enerjî û hêzê xo mîyanê pêkewtişan de ca girawt. Roja tewrbîyayîşî ra heta şehadetê xo xeta Rayber Apo de şehîdan de emego gird da. Bi cesaret, fedakarîye û emegê xo zereyê embazanê xo de ca girewt. Şerwanîye ra heta endamîya konseya eskerî ya HPGyî heme wezîfeyê xo bi heman heyecan û zanayîşî girewtêne dest û bi serkewtişî bica ardêne. Ma zî do qerardarîya ey xo rê sey nimûne bigêrê û seba caardişê waştişê şehîdan xoverdayîş xurt bikerê.‘‘

Nasnameyê Çetînerî yo ke şehîd kewto wina yo:

Nameyê Qodî: Çetîn Serhat

Name Peyname: Musa Çetîner

Cayê Biyayîşî: Riha

Maye-Pî:  Sultane - Medet

Tarîx û Cayê Şehadetî:  Temmuza 2018î / Dêrsim