Hemserekîya Konseya Rayberdişî ya KCKyî bi wesîleya serragêrayîşê 40. yê PKKyî eşkerayîyêka nûştekîye daye. KCKyî vat: “Ma na roja awanbîyayîşê partî sere de Rayber Apoyî rê heme hemra û şarê xo rê pîroz kenê.”

APOPERWERAN HEMVERÊ KOLONYALÎZMÊ QIRKERDOXÎ DE ADIRÊ SERWEDARTIŞÎ TAFÎNA

“Bingeyê partîya ma hetê Rayber Apoyî û embazanê ci ra serra 1973 de Awbendê Çubukî yê Enqereyî de erzîya. Vejîyayîşê grûba Apoperweran seba şarê ma bi newe ra gandarbîyayîş. Grûba Apoperweran dimayo ke vejîyaye sehneyê tarîxî hemverê îşxalkarîya neteweperestîya tirkî ke waştêne Kurdistan bikero wareyê tirkîtî de adirê serewedartişî tafîna. Bi nê hawayî şaro Kurd kenarê teraşî ra ame girewtene, a roje ra heta ewro bi mucadeleyêkê destankîyî seba azadîya şarî mucadele da.   

REHANÊ CUYE YÊ KURDAN RÊ AWA CEWHERÎ DÎYAYE

Mucadeleyê 45 serran de bedelê pîlî dîyayî, rehê kurdan ê cuye ke bîbî ziwa rê awa cewherî dîyaye. Bi des hezaran şehîdî, des hezaran gazîyî, bi se hezaran tepişteyî, bi se hezaran kadro û sempatîzanê ke îşkenceyan ra ravêrtî mucadeleyêko destankî ame dayene. Şerê gerîla yê tarîxî yo tewr pîl ame kerdene, raştîya şarî ya ke tim pay ra ya û sere darena we esta. Şarê Kurdî yo ke mucadeleyê xo de israr keno nika ra cuyêka azad û demokratîke bi dest fînaya. Mucadeleyê tîya ra tepîyayî do nûştişê tarîxê nê serkewtişî bo.

ŞARO KURD ROJAKEWTENA MÎYANÊNE DE BÎYO ŞARO SERKÊŞ Ê ŞORIŞ Û MUCADELEYÊ AZADÎYE

Ewro PKK xeta Rayber Apoyî de tenya serkêşîya mucadeleyê cuya azade û demokrate ya şarê Kurdî nê, serkêşîya mucadeleyê cuya azade ya hemeyê şaranê Rojakewtena mîyanêne keno. Şaro Kurd cayo ke tede yo serkêşîya şorişî keno. Şaro Kurd çarçiwaya perspektîfanê Rayber Apoyî yê neteweya demokratîke de û xeta konfederalîzmê demokratîkî de seba şaranê Rojakewtena mîyanêne serkêşî keno. 

QERARÊ AMERÎKA WAYÎRÊ WESFÊ DEWAMÊ KOMPLO DE YO

Sere de îqtîdaro faşîst ê AKP-MHPyî heme hêzê ke Rojakewtena mîyanêne de dişmenê demokrasî û azadîye yê hêrişê şarê Kurdî kenê. Qeraro ke hetê Amerîka ra derheqê 3 îdarekaranê PKKyî de ameyo girewtene qerarêko dişmenkî yo. No qerar wayîrê wesfê dewamê komploya mîyanneteweyîye yo. No qerar îtîraf keno ke ê nêresayê amacê komploya 1999î. PKKyî hemverê komplo de hêzê xo hîna kerdo vêşî û ewro hemsencîyanê Rojakewtena mîyanêne de bîyo hêzêko bitesîr.

MA MUCADELEYÎ XURT BIKERÊ

Nê bingeyî de ma veng danê hemeyê şarê xo, dostanê xo û heme hêzanê demokratîkan ê Rojakewtena Mîyanêne ke komplo veng vejê, Rayber Apoyî azad bikerê û seba Kurdistan û Rojakewtena mîyanêne ya azade mucadele bidê.