Hemserekîya Konseya Rayberdişî ya KCKyî  derheqê Başûrê Kurdîstanî de qefîlnayîşê buroyanê Tevgera Azadî de eşkerayîyêk daye û bale ane muhîmîya yewbîyayîşê kurdan ser.

BI ŞANTAJÊ DEWLETA TIRKÎ  QERARÊ QEFILNAYÎŞÎ AME GIREWTENE

KCKyî ard ziwan ke no demo ke zaf hewceyê yewbîyayîşî esto de Başûrê Kurdîstanî de qefîlnayîşê buroyanê Tevgera Azadî seba şar û sîyasetkaranê kurdan nêno qebûlkerdene. Her kes zano ke PDK û YNKyî  rîyê zext û şantajê dewleta tirkî ra  qerarê qefilnayîşî girewto.

Eşkerayîye ra tayî cayî wina yê:

''Ganî sîyasetê kurdan de bi zextê hêzanê teberî hemverê partî û grûbanê bînan ê kurdan de mero vindertene. Sîyasetê kurdan heta ke naye ra fek vera medo ne eşkeno xo hêz bikero ne zî mucadele bido. Sîyasetê kurdan hêzê xo şarî ra gêno. Coka eke tekîlîya  demokratîke ya hêzanê kudan ê sîyasîyan bibo ê eşkenê heme meseleyan zî çareser bikerî.

YNK GANÎ XETA MAM CELALÎ DE TÊ BIGÊRO

Verê zextê hêzanê teberî de milê xo çewtkerdiş û nê bingeyî de hemverê partîyanê sîyasî yê kurdan de vindertiş goreyê welatperwerîye nîyo. Aye ra no nizdîbîyayîşê YNKyî tena înan rê îtîbar dano vîndîkerdene. YNK ganî  bi esas girewtişê xeta Mam Celalî tê bigêro. YNK eke verê dişmenê kurdan de milê xo çewt biko  zirar dano heme kurdan.

ZIRAR DANO HEME KURDAN

YNK ewro herinde  vera qerarê Amerîka yê 3 rayberanê sîyasî yê kurdan de vindertişî de buroyanê Tevgera Azadî qefilnena. Çîyo winayên nêno qebulkerdene.  Ganî heme dezgeyê sîyasî û demokratîkî yê kurdan paştî bidê Tevgera Azadî  û vera neheqîye bivejîyê.‘‘