Merkezê Îrtîbat û Çapemenîya HPGyî (HPG-BÎM) îzehetêk da û dîyar kerd ke hêzanê înan Lêlikan de vera dagîrkeran de çalakîyêk viraşta.

Îzehet de wina ameyo vatene:

“Hêzanê ma çarçewaya Hemleya Şorişgêrî ya Şehîd Pîroze û Şehîd Agirî de 2ê teşrîna verêne de saete 7.10 de vera leşkerê ke Girê Lêlikanî de ca bîyî de çalakîyêk viraşta. Çalakîye de derbê girdî dîyayî leşkeran ro, labelê hûmara merde û birîndaran nêameya zelal kerdene. Çalakîye ra dima artêşa tirkî herême bi obus û hewanan bombe kerdo.”

WESAYÎT AME HEDEF GIREWTENE

1ê teşrîna verêne de wesayîtê bêmerdimî ke ser herêma Garê de gêrayêne, bîyî hedefê gerîlayan û wesayît herême ra durî kewt.

HÊRIŞÊ ARTÊŞA TIRKÎ

Teyarayê artêşa tirkî 29, 30ê êlule û 1ê teşrîna verêne, mabênê saeteanê 16 û 17.00 de warê Deşta Kafya bombe kerdî. Teyarayan 30ê êlule saete 16.30 de zî warê Hefttebaxî yê herêma Garê bombe kerdî. Teyarayan 1ê teşrîna verêne saete 11.00 de dormeyê Avaşînî bombe kerdo.