Rehîm û Keywan Zebîhîyî Baneyî de semedê Kolberan fîlm antêne. Semedê mergê înan xeylekî hunermendî zî dewa Selîm Begî de ameyî defnî ser.

Dîrektor Rehim Zebîhî heta nika înan ra 10 hebî filmê kilmî û 6 hebî zî fîlmê dergî  antîbî. Zebîhî beşdarê xeylekî festîvalanê Îran û Mîyanneteweyîyan bibi û xelatî girewtîbî.

Hetê bînî ra qaymeqamê Baneyî kiştişê Zebîhîyan ser malûmatêk da û depiştişê sucdarî zî eşkera kerd. Goreyê şarê Baneyî ra kiştişê Zebahîyan kiştişêko polîtîk bi la qaymeqamê Baneyî Mihemmedê Felaxî vat ke: ‘’Sucdarî sucê xo qebul kerd. No kiştiş semedê pereyan bîyo, sebeb ekonomîk o.’’

Meyîtê Zebîhîyan roja îne, Baneyî ra 5 km dûrî de dormaleyê dewa Mezuye de zereyê wesayîtêk de dest pey ra giredaye û veşnaye ameybî vînayene.