Gerîlayanê HPGyî Bahoz Şahîn û Şervan Gerîlayî derheqê armancanê înan ê 2022î de ANFyî rê qisey kerd.

Gerîla Bahoz Şahînî vat: ''Serra 2021î de şexsê Serekîye de ma xoverdayîşêko pîl kerd. Ma Garê de destanî nuştî. Embazanê ma tunelanê şerî de vera çeka kîmyewîye têkoşîn kerd. Ma do sey gerîlayan tim rêçê şehîdanê xo de şorê. Ma îdîa kenê ke têkoşînê xo biresnê serfîrazîye. Dewlete her roje vano 'Ma gerîlayî qedînayî' la a raşte o bi xo krîzê ekonomîk û sîyasî ra rijîyayo. Ma 2022 de armanc kenê ke azadîya Rayberîye û şarê xo bîyarê ca. Ez venga pêro ciwananê kurdan danê ke tewrê gerîlayan bibê û têkoşîn de ca bigêrê. Ma bi pêro bawerîya xo vanê ke serra 2022î do biba serra serkewtişî, serra azadîya Rayberîye û serra azadîya pêro şaranê Rojhelatê Mîyanênî.''

Gerîlayê HPGyî Şervan Gerîlayî vat: ''Serra 2021î pê çêrîye, fedayîtîye û xoverdayîşî derbaz bîye. Ma pê serkewtişê Garê dest pê serre kerdbi. Pêro embazî nika xo rêxistin kenê û amadekarîya xo temam kenê. Ma serra 2022î de qetî ser bikewê. Wa pêro azadîgîrî wayîrê nê têkoşînî vejîyê. Heta ke Rayber Apo azad nêbo çew nêeşkeno qala azadîye bikero. 2022 de ma do xoverdayîşê Zap, Metîna û Avaşînî biresnê serfîrazîye. Ma çi doz dayo şehîdan do bîyarê ca. Ma do çalakîyanê xo xurtêr bikerê, azadîya Rayber Apoyî bîyarê ca û xeyalê şehîdan zî bîyarê ca. 2022 de alaya serfîrazîye do destê gerîlayan de biba.''