Gerîlayanê HPG û YJA-Starî bi wesîleya 4ê Nîsane Rojbîyayîşê Rayberê Şarê Kurdî Abdullah Ocalanî ajansê ma rê qisey kerd.

Gerîlaya YJA-Starî Bêrîtane Hakî vat: ''Ma xêrê Rayberîye ra raştîya koletîya cinîyan şinasnaye û rayîrê xelisîyayîşî dîyî. Rayberê ma 25 serrî yo sîstemê tecrîdî yê Îmraliyî de bi fedakarî xo ver dano. Tecrîdê Îmraliyî tecrîdêko prototîp o û vera Rayberê ma tarîxî de reya verêne hende bi hawayêkê organîzekerdeyî yeno caardene. Coka 4ê Nîsane vera sîstemê dewletan roja newerabîyayîşê hêvî ya cinîyan a.''

Gerîlayê HPGyî Bager Kurdistanî pare kerd ke bi bîyayîşê Rayberê Şarê Kurdî şarê kurdî zî newe ra gandar bîyo û rojbîyayîşê ey sey rojbîyayîşêkê tewr manadarî pênase kerd.

Gerîlaya YJA-Starî Zîlane Aydin vat: ''4ê Nîsane roja newerabîyayîşî ya, rojbîyayîşê cinîyan û şaran a. Rayberîya ma 25 serrî yo binê tecrîdî de ya. Ma sey gerîlayanê YJA-Starî armanc kenê ke Rayberê xo azad bikerê. Ewro Herêmanê Pawitişî yê Medya de xoverdayîşêko pîl est o. Ma na seserre de têkoşînê caardişê azadîye pîlêr bikerê.'' 

Gerîlaya YJA-Starî Eyleme Cûdî vat: ''Rojbîyayîşê Rayberîya ma, moral dano ma. O merkezê hêz û moralê ma yo. Ma sey cinîyan xoverdayîş Rayberîye ra musayî. Rayberîya ma vatêne ke 'kokê ma koyan de yê.' Ma rê zî koyan de xoverdayîş zaf manadar o. Ma rêçê Rayberîye ser de şinê.'' 

Gerîlaya YJA-Starî Berbange Şeval vat: ''Ma îrade û hêzê xo yê xoverdayîşî Rayberîye ra gênê. Rayîrê serkewtişî fikranê Rayberîye de yo. Ma îdîa kenê ke na serre bikerê serra serkewtişî.''