Têgêrayîşê Azadîya Cinîyan ê Êzidîyan (TAJÊ) û Yewîya Cinîyan ê Ciwanan ê Êzidxanî pê waştişê azadîya Rayberê Şarê Kurdî Abdullah Ocalanî û seba ke PKK lîsteya terorî ra bêro vetene Şingal de çalakîya xeyme dabî destpêkerdene. 

Vizêr roja 3. ya çalakîye de Sinûn, Komelgehê Digurî û dewanê dormeyî ra bi seyan kesan xeyme zîyaret kerde. 

Endama Komîteya Dîplomasî ya TAJÊ Siha Dexîl qisey kerd û vat: ''PKKyî êzidîyî qirkerdişî ra xelisnayî. Nêbeno ke PKK sey hêzê terorî pênase bibo.''

Nameyê PADÊ ser o Hemid Bişarî qisey kerd û vat: ''Hende merdimî her ca de seba ke PKK mîyanê lîste ra bêro vetene çalakîyan kenê. No mojneno ke eke PKK hêzo terorîst bibîyêne hende kesan paştî nêdayêne ci.''

Hemsereka Meclîsê Şarî yê Digurî Edûle Şemo zî ard ziwna ke ganî tecrîdê vera Ocalanî bêro wedaritene.

Meclîsanê Dewanê Sînorî ra Ebû Seqerî zî îfade kerd ke ê sey erebanê Şingalî wazenê ke Ocalan ganî cade azad bibo û vat: ''Ma xêrê fikranê ey ra Şingal de demokrasî aver benê.''