Gerîla Tvyî dîmenê neweyî yê çalakîya 8-9ê kanûne yê Zapî weşanayî. Dîmenan de aseno ke gerîlayêka cinîye verê malzemeyanê destsernayeyan de qala çalakîye kena.

Gerîlaya cinîye îfade kerd ke heta bi di metreyan gerîlayan xo nêzdîyê çeperê îşxalkeran kerd la îşxalkerî pê nêhesîyayî. Gerîla vat: ''Heta ke embazanê ma çekê ferdî û bombayî şuxilnayî îşxalkerî pê nêhesîyayî.'' Ame parekerdene ke çalakîye de çekê termalî zî şuxilîyayî.

Merkezê Îrtîbatî û Çapemenîye yê HPGyî derheqê operasyonî de nê agahîyî dabî:

''Hêzanê ma yê gerîlayan 8-9ê kanûne de Girê Şehîd Munzurî yê Zapî de vera îşxalkeran bi hawayêkê koordîneyî operasyonêko şorişgêr kerd. No operasyon çarçewa Hemleya Şorişgêre ya Bazanê Zagrosî de ame kerdene û detayê ci wina yê:

8ê kanûn de Girê Şehîd Munzurî de mewzîyê îşxalkeran bi hawayêkê bitesîrî ameyî pirodayene. Çalakîye ra dima tîmê gerîlayan ê heraketînî têgêrayî û înan 5 baskan ra mewzîyê îşxalkeran girewtî binê kontrolî. Tîmanê ma yê yewin û diyînan şewe 2 mewzî û 1 kamelyaya îşxalkeran kerdî hedef û pê bombaya destî û çekanê şexsîyan da piro. Kamelya de 5 îşxalkerî ameyî cezakerdene. Hêzê ma şîyî serê cenazayan û dest na 2 M-16î, bombaeştoxêk, çekêka BKCyî, 1 çante û xeylêk malzemeyanê leşkerîyan ser. Baska diyîne ya çalakîye 2 mewzîyê îşxalkeran pê bombaya destî û çekanê şexsîyan kerdî hedef û 3 îşxalkerî ceza kerdî. Baska hîrêyîne ya çalakîye Girê Şehîd Munzurî de bi aktîfî da îşxalkeran ro. Baska çarin û pancine ya çalakîye zî Kêla Bêdewê de îşxalkerî pê çekanê giranan kerdî hedef û îmha kerdî.

Hêzanê ma çareçwa Hemleya Şorişgêre ya Bazanê Zagrosî de pê terzê bazî b hawayêkê qetî derbe daye operasyonê îşxalî ro. Tîmanê ma yê hereketinan 10 deqayan de pê pirodayîşê Apogîrî pêro hedefê girî vistî destî. Hêzê ma na çalakîye ra weş û war agêrayî. Netîceya çalakîye de xeylêk îşxalkerî ameyî destbendkerdene, hêzê ma şîyî 8 cenazayanê îşxalkeran ser û dest na 2 M-16î, bombaeştoxêk, çekêka BKCyî, 1 çante û hacetanê leşkerîyan ser.

Pê nê operasyonê şorişgêrî qesasê embazanê ma ame girewtene ke pê çekanê kîmyewîyan hetê dewleta tirke ra bi namerdî ameybî şehîdkerdene.''