Mabênê 11-15ê kanûne de wextê operasyonê leşkerî yê vera Koyê Bagokî yê qezaya Nisêbînî ya Mêrdînî de hêrişê hewayî ame kerdene. Netîceya nê hêrişî de 6 gerîlayê YJA Starî şehîd bibî.

Cenazayê Denîze Orak (Hîra) û Sîmanure Kaya (Meskene) hetê keyeyanê înan ra ameybî girewtene û Artuklu û Nisêbîn de ameybî definkerdene. Cenazayê çar gerîlayanê bînan seba ke nînê naskerdene ganî testê DNA biameyêne kerdene.

Keyeyê Fatma Çîçek Amedî ra, Keyeyê Betule Dîlen (Dîcle) Erziromî ra, keyeyê Turkane Aktan Nisêbînî ra  û keyeyê Şîlane Çîçek Îstanbulî ra ameyî Mêrdîn û semedê testê DNA gonî daye. Ewro keyeyê Şîlane Çîçek yo ke ame Mêrdîn eşnawit ke kênaya ci Goristanê Bêkesan de ameya definkerdene.

Pîya bi nê çar cenazayan hûmara cenazayanê ke serranê 90an ra nata Goristanê Bêkesan ê Artuklu d ameyî definkerdene resaye 54.