Çeteyanê DAÎŞî bîn şewe Qilê Qereselîmî yê qezaya Şêx Bizênî ya Kerkûkî de hêrişê pêşmergeyan kerd. Pêkewtişanê giranan de di pêşmergeyan dinyaya xo bedilnaye û hîrê pêşmergeyî zî birîndar bîyî.

Hetê bînî ra vizêr saetanê şewe de dewa Lihêbanî reyna raştê hêrişê çeteyan ameye. Dewijan ke bi îmkananê xo dewe pawitêne mecbur mend ke dewe ra vejîyê. Berpirsîyarê YNKyî yê qezaya Sergeranî Ramazan Osmanî eşkera kerd ke çeteyanê DAÎŞî dewa Lihêbanî fînaye dest. Osmanî da zanayene ke çeteyan dewe de xeylêk keyeyî vêşnayî û vat artêşa Iraqî û hêzanê pêşmergeyan mudaxale nêkerd.

Çeteyanê DAÎŞî 2ê kanûne de Mexmûr de hêriş kerd bi. Netîceya hêrişî de hewt pêşmergeyan û di sîvîlan dinyaya xo bedilnayebî.