Çewlîg de qedexe heta 9’ê Nîsane ame dergkerdene

Walîtîya Çewlîgî da zanayene ke qedexeyo ke 26 herêmanê Çewlîgî de yeno domnayene do heta 9‘ê Nîsan a 2019‘î bêro dewamkerdene.

Goreyê eşkerayîya Walîtîya Çewlîgî qedexeyo ke xeylî wext o 26 herêmanê merkez û qezayanê Çewlîgî de esto, heta 9‘ê Nîsan a 2019‘î ame dergkerdene.

Herêmê ke sey ‘herêma asayîşê taybetî‘ ameyî îlankerdene wina yê:

Merkezê Çewlîgî de Ortaçanak, Wareyê Hasarî, Girê Hasarî, Feratan, Wareyê Çirî, Newala Merdîvenî û Newala Monçu. Qezaya Azarpêrtî de Koyê Şeytanî, Newala Şeytanî, herêma Îlbey, Newala Sevkarî. Qezaya Dara Hênî de Saggoze, Buyukçag, Yenîyazi, Dîkpinar, Derman, Şekeranî. Qezaya Bongilanî de herêmê Yenîbaşak-Doguyelî, qezaya Xorxolî de Newala Horîvanîkî-Newalê Tahkîmî, Daristanê Kirkoyî, Newala Manavî û herêmê Guneşlîk û Gokçedalî. Qezaya Gêxî de herêma Çomakdere, qezaya Kanîreşî de Daristanê Karacehennemî û qezaya Çêrme de Wareyê Akimli.