Çewlîg de bi wesîleya serrgêra şehadetê Seyîd Riza û embazanê ci panelêk ame organîzkerdene. Panel de ame vatene ke dewaya Seyîd Riza û Şêx Seîdî têkoşînê azadîye bî û ame vengdayene ke wa mîrasê înan rê bêro wayîrvejîyayene.
Rêxistina Partîya Demokratîke ya Şaran (HDP) ya Çewlîgî semedê yadkerdişê Seyîd Riza û embazanê ci panelêk organîze kerd.
Wekîlê HDPyî yê Antalya Kemal Bulbul û endamê Meclîsê Partîye Murat Aydin sey qiseykerdoxî tewrê ci bi. Panelo ke xeylêk hemwelatijî tewrê ci bîyî de çirayî ameyî tafînayene û fotografê Seyîd Rizayî akerdene.
Murat Aydinî Seyîd Riza û embazê ci ardî vîrî û veng da wa her kes wayîrê mîrasê înan vejîyo û têkoşînî pîl bikero. Kemal Bulbulî zî mesajê xoverdayîşê yê Seyîd Riza û Şêx Seîdî ke torûnanê xo rê sey mîras verdayî, vistî vîrî û vat: ''Dewaya înan dewaya têkoşînê azadîye bî. Ma ganî rêça înan de têkoşîn bikerê.''
Badê panelî verê banê partîye de derheqê babete de eşkerayîye ameye dayene.
