Endamanê Meclîsê Şeredarîya Çewlîgî yê HDPyî Ferhat Yildirim û Hatîce Kitay waşt ke menga Remezanî de wa seferê otobusan bêrê zêdînayene. 

Eşkerayîya Kitaye û Yildirimî de ame îfadekerdene ke wextê janî de girîngîya erjê paştdayîş û yewbîyayîşî zêdîyaye. Kitaye û Yildirimî vat: ''Yewîye û paştdayîşî reyde hîsgerîya ma zî zêdîyena. Ma hêvî kenê ke menga Remezanî biba wesîleya weşîye, haştîye, xeyr û aramîye.

Nê prosesî de şaristanê ma de reyna Korona zêdîyaye. Nê semedî ra seba ke sixletîya trafîkî fitarî ra verî bêra astengkerdene ganî Şaredarîya Çewlîgî Koperatîfê Kiriştişê Komkî reyde mişawere bikerê û seferanê komresî bizêdîna.''