Cigêrayîşê NASA yê ke pê wesayîtê feza Keplerî ameyî kerdene serra 2018î de qedîyayî. Wesayîtê feza 2 hezar û 681 exoplanetan ser o cigêrayîş kerd. Goreyê netîceyanê nê cigêrayîşan teberê Sîstemê Tîje yê exoplanetê Kepler-1649-c de îhtîmala cuye esta.

Detayê cigêrayîşî hetê The Astrophysical Journal Lettersî ra weşanîyayî. Goreyê netîceyanê cigêrayîşî yê ke CNN de weşanîyayî, exoplanetê Kepler-1649-c maneno dinya. No exoplanet dinya ra qasê 10,6 pîlêr o û se ra 75 roşnîya tîje gêno.

Goreyê cigêrayîşî exoplanetê Kepler-1649-c sey dinya tîje ra bi hawayêkê qîmî dûrî yo. Îhtîmal a ke exoplanet de awe zî biba.

Hetê bînî ra tay dezavantajê exoplanetê Kepler-1649-c zî estê. Eşkera bi ke tîja ci qij a û mesafeyê mabênê ey û tîje zî dinya ra kilmêr o. Coka beno ke exoplanetê Kepler-1649-c maruzê radyasyonî bibo.