Rayberê Şarê Kurdî Abdullah Ocalan waştişê Fermandarîya Pêroyîye ya Tirkî ser rojanê peyênan ê tebaxa 1998î de 1ê Êlule ra tepîya  adirbirnayîş îlan kerd. Ocalanî do wexto ke dest nîya çirpitê Komployê Mîyanneteweyî ser rew fehm bikerdêne ke adirbirnayîş kayêk o.  Serekîya rayberê Partîya ANAPî ya Turgut Ozalî, Mesut Yilmazî de 30ê hezîrane de 1998 de hukmatê koalîsyonêkî yo newe ame ronayene. Gureyê hukmatê neweyî yê verênî Rayberê Şarê Kurdî Abdullah Ocalanî dir dîyalogkerdiş bi. semedê naye cade mabênçîyî kewtî dewre. Mabênê  Ankara-Bruksel û paytextê Sûrîye Şam o ke o wext Ocalan tede bi mesajî şiyî ameyî. Dima ra hewteyo verên ê temmuze de MED TV de programêk ame organîzekerdene ke wird hetî tede bi telefonî qisey bikerî. La telefonê selahîyetdaranê Tirkîya nêame. Herinda naye de ajansêk ser o faksêk şawîya studyoyê MED TVyî. Fakste ameyêne vatene  ke ''Semedê çareserkerdişê na mesele ganî Ocalan cayê xo ra bivejîyo'' Rayberê Şarê Kurdî fakso ke MED TV de ame wendene, wina cewabê ci da: ''Eke Anqara semedê çareserî îradeyo qîymkerde ramojno, ma tîya îkna kenê. Cayo ke ma tede yê ganî  problemo dîplomatîk nêbo, ganî nê warî rê zext nêro kerdene.''

Dima ra vejîya werte ke faks hetê Fermandarîya Pêroyîye ya Tirkî ra ameyo şawitene. Xora Fermandarîya Pêroyîye ya Tirkî peyra tebaxa 1998î de dîrek kewt dewre û adirbirnayîş waşt. Tirkîya de zî dezgehanê komelê sîvîlî, roşnvîr û Partlamentoyê Ewropa zî semedê eştişê gamêke veng dayêne PKKyî.

Şanê 29ê Tebax a 1998î

21ê tebax a 1998î de mesajo ke Anqara ra ame şawetene de ame vatene ke ambargoyê serê çapemenî ameyo wedaritene û semedê kombîyayîşê çapemenî yê adirbirnayîşî çilaya hewze ameye tafînayene ke çapemenîya tirkî do tewrê kombîyayîşî bibo. Cade dima şanê 29ê tebax a 1998î de MED TV de pêşkêşkarîya Gunay Aslanî de  bi tewrbîyayîşê kurd, tirk û xeylêk rojnamegeranê medyaya dinya programêk ame kerdene. Abdullah Ocalano ke bi telefonî tewrê programî bi eşkerayîya ke ameyêne pawitine kerd.  A eşkerayîye ra tay cayî wina yê:

''Ez cade vajî ke şer eke rîyê meseleyêka zaf muhîme ra nîyo gejanîye ya. Ganî şer û şîdet tekîlîya merdimîye de qet ca nêgerê. Babeta ke tewr zaf zor dana ma bîyî qurbanê şîdetê ke qoqê ci yê serran o. Mi fîkrê rêxistina ma zî girewt û qerarê adirbirnayîşî da ci ke do 1ê êlule de bêro destpêkerdene . Ma keyfweşê ke wîna game erzenê. Wextê birêz Ozalî de ‚ nîsan a 93î de zî cehdkerdişê ma estbi.

Eke ma sero operayonî merê viraştene, bitaybetî gerîla bi operasyonan mero îmhakerdene, ma gerîlayanê xo rê hekîmê. Gerîlayê ma do hêriş mekerê. Ez reyna vajî seba ke rewşê nerm bo û atmosferê têkoşînî bibo wayîrê mana  hetê ma ra do çalakîya şîdetî mero kerdene. Ez bawer kena ke mîyanê ma de qet çew zî muracatê provokasyonan mekero.

Ganî dormeyê eleqedarî naye sey taktîk mevînê. Wa helgo şertê rind bêrê amadekerdene û paşta bêro pêt kerdene. Ma semedê Tirkîya û şarê kurdî hêzê demokrasî û roşnayîye tewr gird ê. Senî ke yeno vatene ke cîyakar nîyê. Eke bero israkerdene semedê şîdetî îmkanê ma her wextî ra zafêr ê. Xora şîdet heta titîkî ame kerdene la netîce nêameye girewtene.

Dinya de yeno vînayene ke problemî bêşîdet yenê çareserkerdene. Rûsya de meseleya Çeçenya, meseleya Kolîmbîya, meseleya Îrlanda û meleya Fîlîstînî zî na bingeyî de verbi çareserîye şine. Eke şansêk bidîyo ma şima qerardarîya ma vînenê.''

Hema ke 24 saetî ranêvertî dest nîya çirpit ser

Roja bîne vengdayîşê adribirnayîşî yê Abdullah Ocalanî de medyaya dinya de dîya eşnawitene û çîmî agêrayî Anqara. A roje selahîyetdarê dewleta tirke tewrê merasîmê leşkerêko pêkewtişanê Kurdîstanî de merd bîyî û sey cewabdayîşê Raberê Şarê Kurdî ame fehmkerdene. Xora medyaya tirke zî wina namekerdene. Badê merasîmî Serekwezîr Mesut Yilmazî wina eşkerayîye daye: ''Eke vera dewleta tirke nêşkeno şer bikero û teslîm beno na gameka hol a. La eke seba ke platformê sîyasertê Ewropa ca bigêro kayêk kay keno no çîyêko veng o. Ma qetîyen muhatap nêgênê.'' Hetkarê Serekwezîrî yê ê demî Bulent Ecevîtî zî wina vatêne: ''Me meseleyanê welatê xo rêxistinêka terorî de qisey nêkenê. '' Têna HADEPî paştî daye adirbirayîşî.

Îdareyê Şamî rê zext

Hewteyo verên ê êlule de Mesut Yilmazo ke vejîya turê Rojhelatê Mîyanênî rojdemê ci de rewşa Rayberê Şarê Kurdî Abdullah Ocalan bibi. Yilmazî 8ê êlule de wextê temasanê xo yê Fîlîstînî de qalê eşt Sûrîye ya ke gêrayîşê ci yê Rojhelatê Mîyanênî rexne kerd bi, û vat:  'Esle o de şima dişmenîya tewr pîle kenê.'' Semedê zextkerdişê Şamî hînî dest nîyabi çirpit ser. Dima ra vejîya werte ke Yilmazî gêrayîşê Tel Avîv de mabênê Urdun, Îsraîl û Tirîya de hemkarîya mîyane kerda. Semedê pêkerdişan sefê îstîxbaratê pêroyî yê Urdunî Semîh Batikî zî şibi Tel Avîv. Îstîxbaratê  Îsraîl û Urdunî yê ke warê Rojhelatê Mîyanênî rê hekim ê derheqê Abdullah Ocalanî û gerîlayan de zanayîş dayêne Tirkîya. Tirkîya zî vera naye warê hewayî yê xo nê wird dewletan rê akerdêne ke  tede firdayîşê perwerdeyî bikerê.  Ê rojan de çapemenîya Îsralî nuşt ke peykê Ofeqî yê MOSSADî têgêrayîşê PKKyî yê Iraq û Sûrîye temaşa kerd.

Di averşîyayîşê krîtîkî yê 16 û 17ê Êlule

Goreyê Rayberê Şarê Kurdî Abdullah Ocalanî cehdkerdişê adirbirnayîşî û akerdişê berê dîyalogî yê Fermandarîya Pêroyîye ya Tirkî kayêk bi la rixmê naye nêwaştêne ke bibo pero ke adirbirnayîşî bireneno. 14ê êlul a 198î de Fermandarîya Pêroyîye ya Tirkî ra cepheyê PKKyî rê yewna not şi. Ê mesajî de wina ameyêne vatene ''Heta averşîyayîşê bînî  ma pêvînayîşî qedînayî.''

16ê êlul a 1998î de Fermandarê Hêzên Bejahî Atîla Ateş qezaya Reyhanli ya Hatayî de bi vatişê ''Sebrê ma tay mend, wa sebrê ma meqedinê'' îdareyê Sûrîye eşkera tehdît kerd. Rojeke dima ra qewimîyayîşêko krîtîk zî paytextê Amerîka Washîngton de ciwîya. Semedê werêardişê PDK û YNKyî Dublîn û Anqara de pêvînayîşê ke ameyêne kerdene, hînî Amerîka ci rê kewanîye kerdene. Bi protokolê Amerîka Barzanî û Talabanî werêameyîşê xo deklare kerd. Madeyê bingeyênî yê pêkerdişê hêzê gerîlayî Başûrê Kurdîstanî rz vejîyê. Bi nê wird qewimîyayîşan Abdullah Ocalan û gerîlayanê kurdan rê mesajê ''Şima hînî nêeşkenê qet cayêk de bimanê'' ameyêne dayene. Hînî semedê perdeyê verênî yê Komployê Mîyanneteweyî yê 9ê Teşrîna Verêne hem şertê zereyî hem zî yê teberî hazir bî…