Goreyê xeberanê ke hetê Rêxistina Heqanê Merdiman a Hengawî ra ameyê parekerdene, kurdê bi nameyê Haydar Kurbanîyo ke 2016 de tepişîyabi 19ê kanûne de saete 09.00 de Zîndanê Sine yê Rojhelatê Kurdîstanî de ame dardekerdene.

Kurbanî bi îdîayanê 'Endamîya Partîya Demokrate ya Kurdîstanê Îranî (PDK-Î) û 'muxalefetê vera dewleta Îranî' ameyêne sûcdarkerdene.

Îran ê welatan ra yew o ke tewr zaf merdiman darde keno. Goreyê Rêxistina Efûye ya Mîyanneteweyîye 2020 de Îranî tewr tay 246 kesî darde kerdê. La dîyeno zanayene ke bîlançoya raştikêne hîna giran a.